تحدي ال29 يوم .. اليوم العاشر

صارلي عشرة ايام اكتب قصص ونصوص ادبية قصيرة وعديدة وكذلك قريت بعض الكتب واطلع على مصادر بالنت .

الى حد الان كتبت 12 قصة وشاركت منها عشرة قصص على مدونتي الخاصة في منصة بلوگر وكذلك كتبة العديد من النصوص الادبية والخواطر الاخرى بالاضافة دائما ما اقوم بالقراءة حتى احفز ذهني للكتابة وادخل بمود الكتابة واقوي قريحتي وفكري والمطالعة والقراءة  ودائما ما اطلع على هذا الموقع وكلش فادني وزاد من معلوماتي بالاضافة الى كتابين انتهيت من قراءتهن وحالياً جاي اقرا رواية زمن منسي وهذا غلاف الرواية 

بعد ما استمريت بالكتابة وضليت اكتب كل يوم حسيت نفسي من صدك كاتب وعلية مسؤلية الكتابة فلازم اكتب كل يوم وهذا تطور مهم بالنسبة الي لان اخيراً اقتنعت انا كاتب ومو مجرد هاوي وهاذي جرائة مني اصرح بهيج شي بس لا بأس .

اول يوم ايام حسيت نفسي مرتبط ومجبر ان اكتب وانا ما احب الارتباط زعجني هالشي بعض الشيء بس تالي تعودت وصرت احب هذا الارتباط .

الخطة مالتي راح تكون بالايام الجاية اكثر صعوبة راح احاول اكتب اكثر من قصة بيوم واحد واطلع على كتب ومصادر اك

وفي النهاية احب اشارك انه انا ممتن الى :

 

1- الى ثامن عجائب الدنيا وان لم تكن هي الاولى امي العزيزة ، وانا ممتنلها بهذا التحدي لان هي سبب كل نجاح وتقدم انا اقدمة .

2- ممتن الى رفيقي الاقرب الي الصامد الصابر تلفوني المُجهد وياي وجاي يتحمل كلشي اقوم بي او اكتبة او اشاركة .

3- ممتن الى ابو الجيس جسوم اللي دائما اعرض علية كتاباتي ودائما ما يكون متأثر مدري ينصب علية مدري صدك هي كتاباتي مؤثرة المهم هو يشجعني ومن صدك ينطيني حافز استمر .